I erinner mi no guad i war a gloana Bua,
da geht amoi a Lehrer auf mei Muada zua,
sie, sagt er Frau, i muas eahna wos song,
a Kreiz is mit dem Buam, er is so ungezogn.
Er rechnet ned, schreibt ned, malt koane Buider,
passns auf, des werd amoi a ganz a ganz a wuider.
Mei Muada hod gwoand, sie hods ned glaubt,
wos soll i song, recht hod er ghabt.

Ref.: I bin a Hoberfeld, Hoberfeld, Hoberfeldtreiber
raucha, saufa, vogeldwuide Weiber,
i treib mi rum bei der Nacht und schlof am Dog,
mei ganzes Lebn is a Hoberfeldrock.
(2x)

Kurze Zeit drauf, i war a Ministrant,
da nimmt da Pfarrer mei Muada bei der Hand,
sie, sagt er Frau, mit dem Buam des hod koan Sinn,
ma möcht fast glaubn da steckt da Deife drin.
Er macht nur Blödsinn, duad im Beichstuhl raucha,
so oan kena mir in unserer Kirch ned braucha.
Mei Muada hod gwoand, sie hods ned glaubt,
wos soll i song, recht hod er ghabt.

Ref. (2x)

A paar Jahr drauf, i war beim Bund,
da hams mi gschundn wia an Hund,
Mordmäßig aufgladn gehts durchn Woid,
Bin ned weit kema, da Sanka hod mi ghoid.
Da Feldwebel schreit, ´so a Oberidiot,
is a Schand für jeden richtign Soldat`.
Mei Muada hod gwoand, sie hods ned glaubt,
wos soll i lang redn, recht hod er ghabt.

Und für jeden von uns und für den wuidesten Hund
Schlagt irgendwann amoi de letzte Stund
Und klopft dann der Boandlkramer bei mir oo
Und sagt: „Haberfeldtreiber, mia san droo!
Jetz brauchst net jammern und net diskutier´n,
wo´s jetz hingeht, da werds di net friern!“
Dann zuck i die Achsel und sag: „Ja mei,
was is, des is, und wos sei muaß muaß sei!